- ඔබ මෙතැනය:
-
මූලය
- ගුවන් සේවා ආයතනය
කොවිඩ් වසංගත තත්ත්වය යටතේ වුව ද ශ්‍රී ලංකන් ගුවන් සේවය පසුගිය කාලය තුළ දී නව ගමනාන්ත 08 ක් සදහා සෘජු ගුවන් ගමන් හදුන්වා දී ඇතැයි සංචාරක ඇමති ප්‍රසන්න රණතුංග මහතා පවසයි. ඉදිරියේ දි යෝජිත ගමනාන්ත 05 ක් සදහා නව ගුවන් ගමන් ආරම්භ කිරිමට ශ්‍රී ලංකන් ගුවන් සමාගම අපේක්ෂා කරන බව ද ඇමතිවරයා පෙන්වා දෙයි.
සංචාරක ඇමති ප්‍රසන්න රණතුංග මහතා මේ බව සදහන් කළේ වසර 06 කට පසුව ශ්‍රී ලංකාව හා ප්‍රංශය අතර නව ගුවන් ගමන් ආරම්භ කිරිම නිමිත්තෙන් ප්‍රංශයේ පැරිස් නුවර දී පසුගිය දා පැවති විශේෂ සාකච්ඡාවක දීයි. ප්‍රංශයේ ප්‍රධාව පෙළේ සංචාරක සමාගම් රැසක නියෝජිතයන් මේ සදහා සහභාගී වී සිටියහ.
ශ්‍රී ලංකන් ගුවන් සමාගම පසුගිය කාලයේ දි හොංකොං, කොරියාව, කෙන්යාව, ජර්මනිය, රුසියාව, ඕස්ට්‍රේලියාව, නේපාලය සහ ප්‍රංශයට නව ගුවන් ගමන් ආරම්භ කර තිබේ. ඉදිරියේ දී වියට්නාමය, ඉන්දියාව, චීනය හා ඊශ්‍රාලය සදහා නව ගුවන් ගමන් 05 ක් ආරම්භ කිරීමට සැලසුම් කර ඇතැයි ඇමතිවරයා මෙහි දී පෙන්වා දුන්නේය. ශ්‍රී ලංකන් ගුවන් යානා භාවිතා කරන ගුවන් මගීන් සංඛ්‍යාව වැඩි කිරිමටත්, භාණ්ඩ ප්‍රවාහනය වැඩි කිරීමටත් දැනටමත් විෆශ්ෂ වැඩපිළිවෙලක් ක්‍රියාත්මක කෙරේ. නව ගමනාන්ත හදුන්වා දීමට ශ්‍රි ලංකන් ගුවන් සමාගම කටයුතු කරමින් සිටින්නේ ශ්‍රී ලංකාවේ සංචාරක ප්‍රවර්ධනය සදහායි. ඒ සදහා දිගු කාලින හා කෙටි කාලීන සැලසුම් රැසක් මේ වන විට ක්‍රියාත්මක කෙරෙමින් පවති.
පැවති කොවිඩ් වාතාවරණය තුළ ජාතික ගුවන් සේවය විශාල කාර්යභාරයක් කළ බව මෙහි දී පෙන්වා දුන් ඇමති ප්‍රසන්න රණතුංග මහතා කොවිඩ් තත්ත්වය තුළ ශ්‍රී ලංකාවට පැමිණිමට නොහැකිව සිටි ශ්‍රි ලාංකිකයන් ආරක්ෂිත ව ගෙන්වා ගැනීමට කටයුතු කළ බව පෙන්වා දුන්නේය. ශ්‍රී ලංකන් ගුවන් සමාගම එම කටයුතු සිදු කළේ කොවිඩ් තත්ත්වය තුළ ජාත්‍යන්තර දේශ සිමා මායිම් පැණවිම සහ ජාත්‍යන්තර ගුවන් තොටුපළ වසා දැමීමේ තත්ත්වයන් තුළ විම විශේෂත්වයක් බව ද ඇමතිවරයා කීවේය.
මේ වන විට ශ්‍රී ලංකාවේ සංචාරක ව්‍යාපාරය ක්‍රමයෙන් යථා තත්ත්වයට පත්වෙමින් තිබෙන බවත්, ලබන වසර තුළ එය සම්පුර්ණයෙන්ම යථා තත්ත්වයට පත්වෙන බවට අපේක්ෂා කරන බවත් පෙන්වා දුන් ඇමති ප්‍රසන්න රණතුංග මහතා ශ්‍රී ලංකාව යළි සංචාරකයන්ට විවෘත කිරීමෙන් පසු නොවැම්බර් 02 වෙනිදා දක්වා සංචාරකයන් 63,641 දෙනෙකු ශ්‍රී ලංකාවට පැමිණ ඇතැයිද කීවේය. එම කාලය තූල ශ්‍රී ලංකාවට වැඩි වශයෙන් සංචාරකයන් පැමිණි රටවල් 10 අතර ප්‍රංශය ද සිටින බව පෙන්වා දුන් ඇමතිවරයා ඉදිරි කාලය තුළ මෙරටට ප්‍රංශ සංචාරකයන් වැඩි වශයෙන් පැමිණෙනු ඇතැයි ද විශ්වාසය පළ කළේය.
මෙම සාකච්ඡාව සදහා ඇමතිවරයා සමග ප්‍රංශයේ ශ්‍රී ලංකා තානාපති සහ යුනෙස්කෝ සංවිධානයේ නිත්‍ය නියෝජිත මහාචාර්ය ක්ෂණිකා හිරඹුරේගම, ශ්‍රී ලංකන් ගුවන් සමාගමේ සභාපති අශෝක් පතිරගේ, ප්‍රධාන විධායක නිළධාරී විපුල ගුණතිලක, සිවිල් ගුවන් සේවා අධිකාරියේ සභාපති උපුල් ධර්මදාස යන මහත්ම මහත්මිහු ද සහභාගී වුහ.
වසර 06කට පසුව ප්‍රංශයේ සිට ශ්‍රි ලංකාවට පැමිණි ශ්‍රි ලංකන් පළමු ගුවන් යානය මගීන්ගෙන් පිරි යයි. ඒ අනුව ප්‍රංශයේ පැරිස් නුවර Charles De Gaulle ගුවන් තොටුපළේ සිට කටුනායක ගුවන්තොටුපළට පැමිණි ශ්‍රී ලන්කන් ගුවන් සමාගමට අයත් UL 564 ගුවන් යානයේ ගුවන් මගීන් 200කට අධික පිරිසක් ශ්‍රි ලංකාවට පැමිණියහ. ඒ අතර සංචාරකයෝ විශාල පිරිසක් ද වූහ.
ශ්‍රී ලංකන් ගුවන් සමාගම ශ්‍රි ලංකාව හා ප්‍රංශය අතර සෘජු ගුවන් ගමන් වසර 06කට පසුව යළි ආරම්භ කළේ ඊයේයි (31). ඊයේ අළුයම 01 ට UL 564 ගුවන් යානය එම ගුවන් තොටුපළේ සිට ශ්‍රි ලංකාව බලා පියාසර කිරිම ආරම්භ කළේ ඊයේ සවසයි. එය අද (01) අළුයම 04.25 ට කටුනායක ජාත්‍යන්තර ගුවන් තොටුපළට ගොඩ බැස්සුවේය.
මෙම ගුවන් යානයෙන් මෙරටට පැමිණි බොහෝ ශ්‍රී ලාංකිකයන් දිවයිනට පැමිණියේ වසර ගණනාවකට පසුව වීම ද විශේෂත්වයකි. ඔවුන් කීවේ ප්‍රංශය හා ශ්‍රී ලංකාව අතර සෘජු ගුවන් ගමන් යළි ආරම්භ වීම සතුටට කරුණක් බවය. එය ශ්‍රී ලංකාව හා ප්‍රංශය අතර ද්විපාර්ශවික සබදතා තව තවත් පුළුල් විමට හේතුවනු ඇතැයි ද ඔවුහු පෙන්වා දුන්හ.
ශ්‍රී ලංකාව හා ප්‍රංශය අතර මුලින්ම සෘජු ගුවන් ගමන් ආරම්භ කෙරුණේ 1980 වසරේදියි. අඛණ්ඩව සතිපතා ගුවන් ගමන් වාර 03 ක් ප්‍රංශය හා ශ්‍රී ලංකාව අතර ගමන් කළ අතර ඉරිදා (31) සිට ද සතිපතා ගුවන් ගමන් වාර 03 ක් ප්‍රංශය හා ශ්‍රී ලංකාව අතර සිදු කිරීමට ශ්‍රී ලංකන් ගුවන් සමාගම කටයුතු කර තිබේ. ශ්‍රී ලංකන් ගුවන් සමාගම පවසන්නේ ඉදිරි දිනවල ප්‍රංශයේ සිට පැමිණිමට නියමිත ගුවන් යානාවල ද ආසන මේ වන විට සීඝ්‍ර යෙන් වෙන් කෙරෙමින් පවතින බවයි.
ප්‍රංශය ශ්‍රී ලංකාවට සංචාරකයන් පැමිණෙන ප්‍රධාන රටවලින් එකකි. පසුගිය ඔකතෝම්බර් 01 වෙනිදා සිට 24 වන දින දක්වා පමණක් මෙරටට පැමිණි සංචාරකයන් සංඛ්‍යාව 16,451 කි. ඉන් 453 දෙනෙකු පැමීණ ඇත්තේ ප්‍රංශයෙනි. ශ්‍රි ලංකන් ගුවන් සමාගම නව සෘජු ගුවන් ගමන් ආරම්භ කිරීමත් සමග මෙම සංඛ්‍යාව ඉහළ යනු ඇතැයි අපේක්ෂා කෙරේ. එයාර් ෆාන්ස් ගුවන් සමාගමට ද ලබන සිකුරාදා (05) සිට ශ්‍රි ලංකාවට සෘජු ගුවන් ගමන් ආරම්භ කරයි. එය ද මෙරටට සංචාරකයන් වැඩි වශයෙන් පැමීණීමට හේතු වනු ඇතැයි අපේක්ෂා කෙරේ.
ඉන්දියාවේ නව ජාත්‍යන්තර ගුවන්තොටුපළ කුෂිනගර් (පැරණි කුසිනාරා නුවර) දී විවෘත කෙරේ. මෙම නව කුෂිනගර් ජාත්‍යන්තර ගුවන් තොටුපළ විවෘත කිරීම සදහා එහි පළමුවෙන් ගොඩබැස්සවූයේ ශ්‍රී ලංකන් ගුවන් සමාගමට අයත් UL 1147 ගුවන් යානයයි. මෙම ගුවන් යානය ඉන්දීය අග්‍රාමාත්‍ය නරේන්ද්‍ර ශ්‍රී මෝදි මහතා ශ්‍රි ලංකා අග්‍රාමාත්‍ය මහින්ද රාජපක්ෂ මහතාගෙන් කළ විශේෂ ඉල්ලීමකට අනුව පළමු ගුවන් යානය ඉන්දියාව වෙත යැවිණි.
අද අළුයම 5.20ට ගුවන් ගත කෙරුණු මෙම ගුවන් යානයෙන් තෛනිකායික අනුනායක හිමිවරුන් සමග සංඝයාවහන්සේලා සියක් නමක් කුෂිනගර් වෙත වැඩම කළ අතර ඇමති නාමල් රාජපක්ෂ මහතා ප්‍රමුඛ විශේෂ ධුත පිරිසක් ද ඉන්දියාව බලා ගියහ. මෙම ධුත පිරිසට රාජ්‍ය අමැත්‍යවරුන් වන විජිත බේරුගොඩ, සිසිර ජයකොඩි, ඩි.වි.චානක මෙන්ම ජීවාන් තොණ්ඩමන් මහතා ද ඇතුළත් වූහ. ගුවන් තොටුපළ විවෘත කිරීම සහ මෙම පිරිස පිළිගැනීම සදහා ඉන්දීය අග්‍රාමාත්‍යවරයා කුෂිනගර් නව ජාත්‍යන්තර ගුවන් තොටුපළට පැමීණ සිටියේය. මෙම ගුවන් යානයෙන් ඉන්දිය අග්‍රාමාත්‍යවරයාගේ ඉල්ලීම පරිදි කුෂිනගර් බෞද්ධ සැදැහැවතුන්ට වන්දනාමාන කිරීම සදහා වස්කඩුවේ විහාරස්ථානයේ තැන්පත් කර තිබෙන කපිල වස්තු ධාතුන්වහන්සේලා වැඩම කර විම ද විශේෂත්වයකි.
ගුවන් තොටුපළ විවෘත කිරිමේ අවස්ථාවට සමගාමීව ඓතිහාසික ඡායාරූප දෙකක් ද එහි ස්ථිපිත කිරීමට කටයුතු යොදා තිබේ. බුදුන්ගේ තෙවැනි ශ්‍රී ලංකා සංචාරය ලෙස සැලකෙන කැළණිය රජමහා විහාරයේ දි ශ්‍රී ලංකාවේ ප්‍රකට චිත්‍ර ශිල්පියෙකු වු සෝලියස් මෙන්ඩිස් පින්තාරු කරන ලද බිතුසිතුවම් දෙකක් මෙලෙස කුෂිනගර් ගුවන් තොටුපළේ ස්ථාපනය කර තිබේ.
කටුනායක ගුවන් තොටුපළේ සිට මෙම විශේෂ ගුවන් යානය පිටත්ව යාමේ අවස්ථාවට සංචාරක ඇමති ප්‍රසන්න රණතුංග, මෙරට ඉන්දිය මහකොමසාරිස් ගෝපාල් බග්ලේ යන මහත්වරු සහභාගී වුහ.
ඉන්දිය මහකොමසාරිස්වරයා මෙහි දි කියා සිටියේ මෙය ඉන්දියාවට මෙන්ම ශ්‍රී ලංකාවට ද ඓතිහාසික අවස්ථාවක් බවයි. දෙරට අතර ද්විපාර්ශවික සබදතා පුළුල් කිරීමට මෙම සංචාරය ඉවහල් වන බව ද ඔහු කීවේය. සංචාරක ඇමති ප්‍රසන්න රණතුංග මහතා මෙහි දි කීවේ කටුනායක කුෂිනගර් සෘජු ගුවන් සේවාව දෙරට අතර ආගමික සම්බන්ධතා වල නව පරිච්ඡේදයක් වනු ඇති බවයි. ඉදිරියේ දි දඹදිව වන්දනාවේ යන ශ්‍රී ලාංකික බෞද්ධ සැදැහැවතුන්ට මෙය වඩාත් පහසුවක් වනු ඇතැයි ද ඇමතිවරයා කීවේය.
බුද්ධ පරිනිර්වාණය සිදු වූ උපවර්තන සල් උයන පිහිටා ඇති කුසිනාරා නුවර හැදින්වෙන්නේ කුෂිනගර් ලෙසයි. ඉන්දියාවේ උත්තර ප්‍ර දේශයේ ඇති කුෂිනගර් බුද්ධ කාලයට පෙර කුසාවති නමින් හදුන්වා තිබේ. මහා පරිනිර්වාණ සුත්‍රය අනුව බුදුන් වහන්සේ කුසිනාරා නුවරට වැඩම කර එහි දි පිරිනිවන් පෑ අතර ධර්මාශෝක රජු එහි විශේෂ ස්ථුපයක් ද ඉදි කර ඇත.
වසර 06 කට පසු ශ්‍රී ලංකාව හා ප්‍රංශය අතර යළි සෘජු ගුවන් ගමන් ඇරඹෙයි. ඒ අනුව අද අළුයම 01 ට UL 563 දරණ ශ්‍රී ලංකන් ගුවන් යානය ප්‍රංශයේ පැරිස් නුවර Charles De Gaulle
ගුවන් තොටුපළට පිටත්ව ගියේය. සෑම සතියකම බදාදා, සිකුරාදා සහ ඉරිදා කටුනායක ගුවන්තොටුපළේ සිට පැරිස් Charles De Gaulle ගුවන් තොටුපළ දක්වා ශ්‍රී ලංකන් ගුවන් යානයක් ගමන් කරන අතර එදිනම සවස ප්‍රංශයේ සිට ශ්‍රී ලංකාව බලා තවත් ශ්‍රී ලංකන් ගුවන් යානයක් පැමිණීමට නියමිතය.
ශ්‍රී ලංකාව හා ප්‍රංශය අතර මුලින්ම සෘජු ගුවන් ගමන් ආරම්භ කෙරුණේ 1980 දීයි. පසුව 2015 වසරේ දි මෙම සෘජු ගුවන් ගමන් නතර කෙරුණි. සංචාරක ඇමති ප්‍රසන්න රණතුංග මහතාගේ උපදෙස් පරිදි ලෝකයේ විවිධ ගමනාන්ත කරා සෘජු ගුවන් ගමන් ආරම්භ කිරිමට ශ්‍රී ලංකන් ගුවන් සමාගම කටයුතු යොදා තිබේ. කොළඹ සහ ප්‍රංශයේ පැරිස් නුවර අතර අද අළුයම මෙම සෘජු ගුවන් ගමන් ආරම්භ කෙරුණේ ඒ අනුවයි. කටුනායක ගුවන් තොටුපළේ සිට ප්‍රංශයේ පැරිස් නුවර Charles De Gaulle ගුවන් තොටුපළට ගමන් කිරීමට පැය 10 කට ආසන්න කාලයක් ගතවේ. පළමු ගුවන් ගමන සදහා සංචාරක ඇමති ප්‍රසන්න රණතුංග ගුවන් තොටුපළ හා අපනයන සැකසුම් කළාප සංවර්ධන රාජ්‍ය අමාත්‍ය ඩි.වි.චානක, ශ්‍රී ලංකන් ගුවන් සමාගමේ සභාපති අශෝක් පතිරගේ, සිවිල් ගුවන් සේවා අධිකාරියේ සභාපති උපුල් ධර්මදාස, රාජ්‍ය අමාත්‍යාංශ ලේකම් මාධව දේවසුරේන්ද්‍ර ඇතුළු පිරිසක් එක්ව සිටියහ.
ශ්‍රී ලංකාව හා ප්‍රංශය අතර සෘජු ගුවන් ගමන් ආරම්භ කිරීම නිමිත්තෙන් කටුනායක ගුවන්තොටුපළේ සෙරන්ඩිබ් ශාලාවේ දි චාම් උත්සවයක් පැවැත්වුණි. ඇමති ප්‍රසන්න රණතුංග මහතා එහි දි කියා සිටියේ ඉදිරියේ දි නව ගමනාන්ත රැසකට සෘජු ගුවන් ගමන් ආරම්ඵ කිරිමට ශ්‍රී ලංකන් ගුවන් සමාගම කටයුතු යොදා ඇති බවයි.
මෙරට සංචාරක ව්‍යාපාරය නංවාලීම සදහා ජාතික ගුවන් සේවය ලෙස ශ්‍රී ලංකන් ගුවන් සමාගමේ සේවාව අත්‍යවශ්‍යය බව පෙන්වා දුන් ඇමතිවරයා මෙරට ජාතික ගුවන් සේවය ලෙස ශ්‍රී ලංකන් ගුවන් සේවය දියුණු කිරිම රජයේ අපේක්ෂාව බව ද කීවේය.
මත්තල රාජපක්ෂ ජාත්‍යන්තර ගුවන් තොටුපළට සංචාරකයන් ආකර්ෂණය කර ගැනීම සදහා නව වැඩපිළිවෙලක් සැකසේ. ඒ අනුව සංචාරක පැකේජ හදුන්වා දීමට ඉදිරියේ දි කටයුතු කරන බව සංචාරක ඇමති ප්‍රසන්න රණතුංග මහතා පවසයි.
දැනටමත් මත්තල ජාත්‍යන්තර ගුවන් තොටුපළට පැමිණෙන ගුවන් යානා සදහා විශේෂ සහන පැකේජ හදුන්වා දි තිබේ. ගුවන් තොටුපළ අපනයන බදු වසර දෙකක කාලයක් සදහා නිදහස් කර ඇති අතර ගොඩ බෑමේ හා නවතා තැබිමේ ගාස්තු සදහා ද වසරක සහන ලබා දී ඇත. මත්තල ජාත්‍යන්තර ගුවන් තොටුපළ සංචාරක ආකර්ෂණය හිමි ගුවන් තොටුපළක් ලෙස ප්‍රවර්ධනය කිරිමේ දි ගුවන් තොටුපළ ආශ්‍රිත හෝටල් පහසුකම් වැඩි දියුණු කිරිම සම්බන්ධයෙන් ද විශේෂ අවධානය යොමු ව ඇතැයි ඇමතිවරයා සදහන් කරයි.
මත්තල ගුවන්තොටුපළේ පහසුකම් වැඩි දියුණු කිරීමට ද රජය කටයුතු කරමින් සිටි. එහි අංග සම්පුර්ණ භාණ්ඩ පිරික්සුම් මධ්‍යස්ථානයක් ස්ථාපිත කිරීම සදහා පවතින නඩත්තු ගොඩනැගිල්ල නවීකරණය කිරීමට කටයුතු යොදා ඇත. ඒ සදහා ඇමති මණ්ඩල අනුමැතිය ද හිමිව තිබේ. ගුවන් යානා අලුත්වැඩියා කටයුතු ආරම්භ කිරිමට ද කටයුතු යොදා ඇති අතර විදේශීය ගුවන් යානා වලට සේවා සැපයීම එහි අරමුණයි. ඉදිරි කාලය තුළ සුළු නඩත්තු කිරිම් මත්තල ගුවන්තොටුපළ තුල සිදු කිරීමට ද අපේක්ෂිතයි. ගුවන් යානා නඩත්තු කිරිම්, එන්ජින් අලුත්වැඩියා කිරිම් සදහා ශක්‍යතා අධ්‍යනයක් ද සිදු කර තිබේ. ඊට අදාළ යටිතල පහසුකම් සහ අනෙකුත් පහසුකම් සම්පුර්ණ කිරිමට කටයුතු කරමින් සිටින බව ද ඇමතිවරයා සදහන් කරයි.
ගුවන් භාණ්ඩ මෙහෙයුම් සේවා මත්තල රාජපක්ෂ ගුවන් තොටුපළ තුල පුළුල් කිරිමට ද අපේක්ෂා කෙරේ. ඒ අනුව ඉදිරියේ දී සතියකට භාණ්ඩ ගුවන් යානා 06 ක් පමණ කියාත්මක කිරිමට සැලසුම් කර ඇතැයි ඇමති ප්‍රසන්න රණතුංග මහතා සදහන් කරයි. මේ වන විටත් ශ්‍රී ලංකන් ගුවන් සමාගම භාණ්ඩ හැසිරවීමේ සේවා සැපයීම ආරම්භ කර තිබේ. පුළුල් ගුවන් යානා 03 ක් ඇතුළු ව ගුවන් යානා 07 ක් පමණ ගුවන් භාණ්ඩ ප්‍රවාහනය සදහා යොදවා ගෙන ඇත. ඉදිරි වසර තුළ මත්තල රාජපක්ෂ ගුවන්තොටුපළ වඩාත් සක්‍රීය ගුවන් තොටුපළක් බවට පත් කිරීමට කටයුතු කරමින් සිටින බව ද ඇමතිවරයා වැඩිදුරටත් සදහන් කරයි.
Sri Lanka Tourism Promotion Bureau (SLTPB), under The Ministry of Tourism and Lands welcomed World's Top Travel Influencer Nusier Yassin also known as ''Nas Daily'’ to promote Sri Lanka as One of Best Travel Destin
Continue Reading
Sri Lanka Tourism Promotion Bureau, in collaboration with Airport and Aviation Services organized a special ceremony to celebrate 100,000 tourist arrivals from Russian Federation through direct flights.
Continue Reading